عـــــــزة نفــــــس البـــــدوي .......

[عيد العسكر]

من سوالف البدو الطيبه هذه القصه التي تدل ع عزة النفس (اللي مو بمحلها)
والقصه حدثت فعلا واللي عليه القصيده معروف .

كان فيه رجال كريم اسمه (سبيت)يفرح بالضيوف والطرقيه وكانت له عادة معروفه انه يؤخر العشاء حتى يتيقن

انه محد راح يجي ،ثم جا ع الناس وقت مجاعه وسبيت ع كرمه والناس تنصاه

وفي احد الايام جاه رجلين (يقولون إنهم من عنزه ) من وقت العصر وكان بين عليهم التعب والجوع فصبروا وصبروا حتى ملوا وبعد دخول وقت العشاء لاجاهم عشاولا شموا ريحة طبخ
فقالوا للمعازيب متى عشاكم ؟!!(وهذي عيب)بس لانهم هلكى
فقالوا لهم المعازيب اصبروا يالربع ولاتعجلون سبحان الله يمكن يجي أحد
والغريب أنه لما جا وقت العشا كان الضيوف ينتظرون من المعازيب
قولة (حياكم الله ياضيوف الرحمن ع عشاكم) فقال سبيت (يالله قوموا ع عشاكم يالربع) !!!!!!

فانصدموا وزعلوا وقالوا حنا شبعنا قهوه!! وكثر الله خيرك ومشوا بليلتهم.

وكان أحدهم شاعر فقال :-

ياسبيت وش لك بكبر البيت ****** لاعاد ماتشييع أذكاره

وترى النبا الزين ياالنتنيت ****** هوملحة الزاد واثماره

وزاد يقلــــــــط بـلا حييت ****** عده بجدره على ناره



وســــــــــلامتكم


وهذا اللي سمعته يالربع

واللي عنده تصحيح الساعه المباركه
ــــــــــــــــــــــــــــــــــــــــــــــــــ ـــــــــــــــ

[محمد الفراج]

عيد العسكر


لاهنت يا الغالي على الموضوع الطيب و القصة الجميلة

لك كل الشكر و التقدير..

[عيد العسكر]

أنا اللي شاكر لك المرور الطيب

[جاسم العايذي]

لاهنت على هالقصه

[عيد العسكر]

بيض الله وجهك أخي جاسم

[يوسف الفراج الظفيري]

عيد العسكر ..َ

لا هنت على هالموضوع المفيد والقصه الطيبه ..َ

لك كل الشكر ..َ

تقبل مروري ..َ

[حالمه]

يعطيك العاافيه...
تقبل مرووري ...