سـلطـان الطـلاحـين تحـت المجهـر

[سلطان الطلاحين]

السلام عليكم ورحمة الله وبركاته

أخـواني ،، أخـواتـي الأعـزاء ..

هنـا يكـون قـلمـي الخـاص فـيـني لـكي أكـتب يـوميــاتي المعتـادة

وإن شاءاللـه أوفـق فـي أخـتيـار المفـردات الـتي تلـيق بمقـام سمـوكم

[سلطان الطلاحين]

ابـوي ربـانـي عـلى قـوة البـاس // ركـز شمـوخه في ثـنيـا طـبـوعـي

[سلطان الطلاحين]

لا يا حمد لا تنتظر طلعت سهيل =اترك كلام الناس واسمع كلامي
في وسط قلبي طعنتن هدة الحيل =وانا عزيز ولا تردى مقامي
مثلت داري بالشعر خير تمثيل =وتكريمهم لي طردتي من دوامي
شاركت من ضمن الرجال المشاكيل =وفرضت قدام الشعوب احترامي
لكن من يفرق لك العدل والميل =بالزاد لا تشره علي يا صيامي
من اول سنيني وانا احط واشيل =واليوم مابه من يشد اهتمامي
ياذيب لو جاوبتني تالي الليل =العذر مابلل حلوق الضوامي
الراس مايرجع عقب عزته ذيل =لو عزز التاريخ بعض الاسامي
يا شعر بعطيك الاصايل من الخيل =وابيك تلحق غايتي مع مرامي
بزيد كيل السالفه وادبل الكيل =متوكل بالله وبكرب حزامي
من كيف شعري لو اهز الفناجيل =حطيت لي بصمة شرف في بهامي
بعض الشعر يرعب هديره كما السيل =لا من درج سيله يطم لعدامي
وبعض الشعر نابع من الهم و الويل =وبعض الشعر كنه مسلسل درامي
وانا ليا مني بدعت التماثيل =علقت في صدر المراجل وسامي
اعيش في جيلي واسابق مية جيل =وارجع على ماضي جدودي واحامي
انا حفيد الطيبين الحلاحيل =هل السيوف اللي تقص العظامي
واكبر كرامه مكسبي للرجاجيل =ومصافح محمد شبيه القطامي
لا يا حمد لا عاد تنشد عن سهيل =وارسل لراعين المواقف سلامي